مۆدەی پۆشاكی هاویـنــــــــی ناسك و جوان

 

(ئەو جلانەی زیاتر لە وەرزی هاویندا دەپۆشرێت بریتیە لە بەدی و یان تێكەڵی نێوان قەمیس و بەدی هەروەها ئەو جۆرە جلانەی لە نێوان شێوەی بەدی و قەمیسدا درووست دەكرێن. هەریەكە جوانی و تایببەتمەندی خۆی هەیە.ئەم جۆرە جلە هاوینە لەگەڵ ئەوەی جوانی جەستە دەردەخات، ستایلێكی ناسكی هەیە بەشێوەیەك لەگەڵ گشت جلێكی دیكە دەگونجێ و تایبەتمەندی خۆی دەبێ. جوانی جلی هاوینە لەوەدایە كەوا نەخش هەیە لە جلەكە، ئەمەش بۆ ئەو رەنگانە نابێ كە (سپی – رەش) ئەگینا بۆ گشت رەنكێگی دیكە نەخش هەبێ زیاتر جلەكە جوانتر دەكات. پۆشاكی هاوینە چەندین شێوازی هەیە، لەوانە شێوازی بەدی كە جەستە دەگرێ، یان شێوازی كراوە بەشێوەیەك كراوەیی پێوە دیارە وجوولانەوەی ئاسان دەبێ. ئەو رەنگانەی بۆ وەرزی هاوینە بەكاردەهێنرێت بۆ ئەو جلانە بریتین لە : وەنەوشەیی – سپی – زەرد – شین .

چۆنیەتی پاراستنی رووخسار لە زیپكە و پەڵەی رەش

 

ئەوانەی تووشی نەخۆشیەكانی پێست دەبن نابێ وا هەست بكەن كە بەهۆی پیسیەوە تووش دەبن، یەكێك لەوانە نەخۆشی (زیپكە و پەڵەی سوور و رەش) لە دەم و چاو، زیپكە یان قنچكە نەخۆشییەكی سرووشتییە لە دوای پێگەیشتن (باڵغ) بوون سەرهەڵدەدات و بۆ ماوەیەكی زۆر بەردەوام دەبێ كە دەگاتە ناوەڕاستی تەمەنی (20) ساڵی لەخۆیەوە نامێنێت هەندێك جاریش بەردەوام دەبێ تا تەمەنی سەروو تر لە بیست ساڵ. چەند هۆكارێك هەیە كە پەڵەی سوور و زیپكە لە دەم و چاودا كەمتر دەكات، لێرەدا باسیان دەكەین بۆ ئەوەی خانمان خۆیان لێی بپارێزن تا تووشی ئەم جۆرە نەخۆشییە نەبن یان چارەسەری ئاسان بێ تاوەكو رووخساریان جوان و ناسكتر بێت.

- رۆژانە هەوڵبدە (3) جارە دەم و چاوت بە ئاوی شلتێن و سابوون بشۆیت.

- نیگەران مەبە یان خەم مەخۆ لە شتی سادە.

- دەست لێدانی برینی دەم وچاو، یان تەقاندنی قنچكەی بچووك لە رووخسار.

- دەرهێنانی قژ لە دەم و چاو ئەوەش دەبێـە هۆكارێك بۆ سەرهەڵدانی زیپكە و پەڵەی رەش و سوور.

- بەكارهێنانی دەست كاتێك پیس دەبێ لە دەم و چاو بدرێت.

- بەكارهێنانی ئاوی پیس بۆ شووشتنی دەم و چاو.

 

 

گەورەترین و خۆشترین هەمبەرگر بە (150) دۆلارە

چەندین كاری رۆژانەی سەیر دەبینن لەلایەن مرۆڤەوە درووست دەكرێ، بەشێوەیەك جێگەی سەرسوڕمانی گشت خەڵكە، بەمەش دەتوانن نازناوی گەورە و سەیر بۆ ئەو كەسانە بەدەست بهێنن كە كاری لەم جۆرە دەكەن. بەڵام لە یەكێك لە چێشتخانەكانی وڵاتی بەریتانیا پێشتر توانیان گەورەترین خواردنی (هەمبەرگر) درووست بكەن، بەشێوەیەك دەكرا نزیكەی (40)كەس لەسەر یەك لەفە نان بخۆن بە تێر بوونەوە. ئەوەی پێشتر لە قەبارەوە گەورە بوو، ئەوەی ئەمجارە جیاوازە لەوی پێشوو. ئەگەرچی ئەوەی پێشوو گەورە بوو و بە نرخێكی نزم دەتوانرا بكردرێت، كەچی ئەوەی ئێستا لە هەمان چێشتخانەوە ئامادەكراوە جگەی لەوەی گەورەیە، بە نرخێكی خەیاڵی زۆرەوە دەفرۆشرێت.ئەمەش چونكە لە گۆشتی چێڵی ژاپۆنی درووست كراوە، ئەوەش دەبێ بزانین كەوا گۆشتی چێڵی ژاپۆنی خۆشترین جۆری گۆشتە. نرخی هەر هەمبەرگرێك دەكاتە (150) دۆلاری ئەمەریكی.